चार निर्माण व्यवसायी तथा आपूर्तिकर्ता कालोसूचीमा

काठमाडौँ । सार्वजनिक खरिद अनुगमन कार्यालय केसरमहल, काठमाडौँले काममा ढिलासुस्ती तथा सम्झौता अनुसार काम नगर्ने चार वटा निर्माण व्यवसायी तथा आपूर्तिकर्ता कम्पनीलाई कालोसूचीमा राखेको छ।

कार्यालयको साउन २८ गतेको निर्णयअनुसार सार्वजनिक खरिद ऐन, २०६३ को दफा ६३ को उपदफा (१) बमोजिम साउन २९ गते सूचना प्रकाशित गरी ती कम्पनीहरूलाई कालोसूचीमा राखिएको हो।