बाजुराका ठाउँठाउँमा बाढी पहिरोको वितण्डा

बाजुरा । अविरल वर्षासँगै आएको पहिरोका कारण बेपत्ता बनेकी बाजुराको त्रिवेणी नगरपालिका–९, ताम्सुकी २० वर्षीया प्रतीक्षा थापालाई घरभित्रै मृत फेला पारिएको छ ।

पहिरोमा परी सोही ठाउँका करिब ४० वर्षीय धर्म थापा घाइते भएका छन् । उनको बायाँ खुट्टा तथा शरीरमा चोट लागेको छ । उनको अवस्था मध्यम रहेको जिल्ला प्रहरी कार्यालय बाजुराका सूचना अधिकारी नरेशबहादुर शाहीले जानकारी दिएका छन् ।