सुनको भाउ एकैदिन तोलामा ४ हजार ६ सय रुपैयाँ घट्यो, चाँदी पनि सस्तो

काठमाडौं– नेपाली बजारमा आज (शुक्रबार) सुन तथा चाँदी दुवैको मूल्य घटेको छ। अघिल्लो दिन तोलामा ५ सय रुपैयाँ घटेको सुनको भाउ शुक्रबार एकैदिन ४ हजार ६ सय रुपैयाँले ओरालो लागेको हो ।

नेपाल सुनचाँदी व्यवसायी महासंघका अनुसार आज छापावाल सुन प्रतितोला ३ लाख १ हजार ६ सय रुपैयाँमा कारोबार भइरहेको छ। बिहीबार भने सुन प्रतितोला ३ लाख ६ हजार २ सय रुपैयाँमा किनबेच भएको थियो ।