उत्तराखण्डको सुरुङमा फसेका मजदुरमध्ये सातजनाको मृत्यु

काठमाडौं । उत्तराखण्डको चमोली जिल्लास्थित पिपलकोटीमा टीएचडीसीको निर्माणाधीन सुरुङमा फसेका मजदुरमध्ये सातजनाको मृत्यु भएको छ । सुरुङमा पानी र पहिरोको लेदो पसेपछि ठूलो दुर्घटना भएको छ । दुर्घटनाका बेला सुरुङभित्र २० देखि २२ जना मजदुर काम गरिरहेका थिए ।

उद्धार अभियानका क्रममा सुरुङबाट निकालिएका १९ जनालाई गोपेश्वर जिल्ला अस्पताल लगिएको थियो । अस्पतालमा चिकित्सकहरूले तीमध्ये सातजनालाई मृत घोषित गरेका छन् ।