बागमतीमा मुख्यमन्त्री बानियाँले भदौ ३ गते विश्वासको मत लिने

हेटौँडा । नेकपा (एमाले)ले सरकारलाई दिएको समर्थन फिर्ता लिएपछि अल्पमतमा परेका बागमती प्रदेशका मुख्यमन्त्री इन्द्रबहादुर बानियाँले आगामी भदौ ३ गते प्रदेशसभाबाट विश्वासको मत लिने तयारी गर्नुभएको छ।

नेपाली कांग्रेस र नेकपा (एमाले)बीच करिब एक वर्षदेखि कायम रहेको सत्ता साझेदारी कांग्रेसले गत असार ३१ गते निरन्तरता दिन नसकिने निष्कर्ष सार्वजनिक गरेसँगै एमाले सरकारबाट बाहिरिएको हो। सरकारमा सहभागी दलले समर्थन फिर्ता लिएपछि संवैधानिक व्यवस्थाअनुसार मुख्यमन्त्रीले ३० दिनभित्र प्रदेशसभाबाट विश्वासको मत लिनुपर्ने हुन्छ।