अनावश्यक ग्यास मौज्दात नराख्न आयल निगमको कडा चेतावनी, भेटिए कानुनी कारबाही

काठमाडौं– नेपाल आयल निगमले होटल, रेष्टुरेन्ट, पार्टी प्यालेसलगायत व्यावसायिक प्रतिष्ठानलाई आवश्यकताभन्दा बढी ग्यास सिलिन्डर मौज्दात नराख्न कडा चेतावनी दिएको छ।

निगमले बिहीबार जारी गरेको सूचनामा बजार अनुगमनका क्रममा विभिन्न व्यावसायिक प्रतिष्ठानमा अत्यधिक ग्यास मौज्दात राखिएको भेटिएको जनाएको छ । निगमका अनुसार यही कारण सर्वसाधारण उपभोक्ताले बजारमा सहज रूपमा ग्यास नपाउने अवस्था सिर्जना भएको हो ।