खगराजलाई मुख्यमन्त्री बनाउन देउवाले मत मागे, ओली–प्रचण्डले बनाए

२९ साउन, धनगढी । १७ मंसिर २०७९ मा डडेल्धुराको जोगबुुढामा आयोजित वाम लोकतान्त्रिक गठबन्धनको चुनावी सभालाई सम्बोधन गर्दै शेरबहादुर देउवाले भनेका थिए, ‘खगराज भट्टलाई जिताएर पठाउनुहोस्, मुख्यमन्त्री बनाउँछौं । उहाँ योग्य मान्छे हो ।’

२०६४ सालदेखि नेपाली कांग्रेसका निवर्तमान सभापति देउवासँग संसदीय चुनाव लड्दै आएका भट्टलाई मुख्यमन्त्री बनाउने वाचा गरेका बेला नेकपाका अध्यक्ष पुष्पकमल दाहाल प्रचण्ड पनि सोही मञ्चमा थिए । प्रचण्डले पनि भट्टलाई मुख्यमन्त्री बनाउने देउवासँग समझदारी भएको बताएका थिए ।