नेपालको आर्थिक कूटनीति र व्यापार सम्बन्धमा रणनीतिक छलफल सम्पन्न

काठमाडौं- 'इन्टरनेसनल रिलेसन एन्ड ग्लोबल डिप्लोमेसी डाइलग' (IRGDD) तथा एम्बेसिडर्स क्लब नेपालकी अध्यक्ष राजदूत डा. शर्मिला पराजुली ढकालले उद्योग, वाणिज्य तथा आपूर्तिमन्त्री माननीय गौरीकुमारी यादवसँग शिष्टाचार भेटवार्ता गरेका छन् ।

भेटमा जनताकेन्द्रित आर्थिक कूटनीति, अन्तर्राष्ट्रिय साझेदारी तथा ट्रयाक १.५ र ट्रयाक २ कूटनीतिक भूमिकामार्फत नेपालको अर्थतन्त्र सुदृढ बनाउने विषयमा केन्द्रित भई छलफल भएको छ । यस क्रममा नेपालको निरन्तरको व्यापार घाटा सम्बोधन गर्ने र अन्तर्राष्ट्रिय आर्थिक मञ्चहरूमा देशको उपस्थिति बलियो बनाउने रणनीतिका बारेमा विशेष कुराकानी भएको थियो ।