ग्यासको अभाव छैन, मागभन्दा १५ प्रतिशत बढी आयात भइरहेको छ: अध्यक्ष चन्द

काठमाडौँ । नेपाल एलपी ग्यास उद्योग सङ्घका अध्यक्ष दिवानबहादुर चन्दले बजारमा ग्यासको कुनै अभाव नरहेको र मागभन्दा बढी आपूर्ति भइरहेको बताएका छन्।

शुक्रबार उद्योग, वाणिज्य तथा आपूर्ति मन्त्रालयमा आयोजित पत्रकार सम्मेलनमा बोल्दै उनले उपभोक्ताहरूलाई अनावश्यक रूपमा ग्यास सञ्चित नगर्न आग्रह गरेका हुन्।