६३ प्रतिशतले बढ्यो राष्ट्रिय स्तरका विकास बैंकको नाफा,  कुनको अवस्था कस्तो ?

गत आर्थिक वर्षमा राष्ट्रिय स्तरका विकास बैंकहरुको नाफामा उल्लेख्य सुधार देखिएको छ । बैंकहरुले सार्वजनिक गरेको वित्तीय विवरण अनुसार अघिल्लो आर्थिक वर्षको तुलनामा राष्ट्रिय स्तरका विकास बैंकको नाफामा उच्च वृद्धि देखिएको हो ।

राष्ट्रिय स्तरका ८ वटा विकास बैंकको औषत खुद नाफा ६३.८२ प्रतिशतले बढेको हो । बैंकहरुले गत आर्थिक वर्षमा ८ अर्ब ६५ करोड ९३ लाख ३९ हजार रुपैयाँ नाफा कमाएका छन् । जुन अघिल्लो आर्थिक वर्षको तुलनामा ६३.८२ प्रतिशतले बढी हो । अघिल्लो आर्थिक वर्षमा राष्ट्रिय स्तरका विकास बैंकले ५ अर्ब २८ करोड ५७ लाख ४५ हजार रुपैयाँ नाफा कमाएका थिए ।