‘संज्ञान विमर्श’मा समाज जोड्ने साधक राजेन्द्र विमलप्रति शब्दश्रद्धा

काठमाडौँ- राजेन्द्र विमललाई सम्झिँदा मैथिली र नेपाली भाषाका साहित्यकार सम्झनु अपूरो हुन्छ। उनी भाषा, भूगोल, जाति र समुदायका सीमाभन्दा माथि उठेर समाज जोड्ने साहित्यिक साधक थिए। उनका सिर्जनाको मूल स्वर सामाजिक सद्भाव, मानवीय सम्बन्ध र सहअस्तित्व थियो।

यही योगदान स्मरण गर्दै पाटन संयुक्त क्याम्पसको नेपाली विभागले ‘संज्ञान विमर्शको उन्नाइसौँ शृङ्खला’ अन्तर्गत शुक्रबार विमलको स्मृतिमा श्रद्धाञ्जली कार्यक्रम आयोजना गरेको छ।