उडानकै समयमा विमानको झ्याल फुटेर यात्रु बाहिर निस्किएको घटनामा नयाँ मोड : चराको प्वाँख भेटियो

गत महिना युरोपमा भएको रायनएयर विमानको एउटा डरलाग्दो घटनाको मुख्य कारण चराको प्रहार हुनसक्ने अमेरिकी राष्ट्रिय यातायात सुरक्षा बोर्ड (एनटीएसबी) ले जनाएको छ।

बिहीबार सार्वजनिक भएको प्रारम्भिक प्रतिवेदनमा यस्तो निष्कर्ष निकालिएको हो। घटना जुलाई १० को बिहानको हो। ग्रीसको थेसालोनिकीबाट जर्मनीको मेमिन्जेन उडेको बोइङ ७३७ विमानको नम्बर २ इन्जिन उडान भरेको केही मिनेटमै बिग्रिएको थियो। प्रतिवेदनका अनुसार इन्जिनको एउटा फ्यान ब्लेड फुट्यो र त्यसबाट निस्किएका टुक्राहरूले विमानको बडीमा क्षति पुर्‍यायो। सोही क्रममा ११औँ पङ्क्तिको यात्रु झ्याल फुटेको थियो।