१४ औँ महाधिवेशनबाट निर्वाचित सभापति नै वैधानिक हो : प्रकाशशरण महत

नेपाली कांग्रेसका नेता प्रकाशशरण महतले पार्टीभित्रको विवादलाई विभाजनको दिशातर्फ लैजान नहुने बताएका छन्। उनले कांग्रेसको मूल मर्म, भावना र देशभरका नेता–कार्यकर्ताको प्रतिनिधित्वलाई आत्मसात् गर्दै पार्टीलाई एकताबद्ध बनाउनुपर्ने बताए।

नेपाली कांग्रेसको राष्ट्रिय भेलालाई सम्बोधन गर्दै महतले पार्टीको झण्डा र चुनाव चिह्न मात्रै कांग्रेसको पहिचान नभएको बताए। कांग्रेस राष्ट्रवादी, लोकतान्त्रिक तथा प्रजातान्त्रिक समाजवादी शक्ति भएकाले त्यसको विचार र आत्मालाई जोगाउनुपर्ने उनको भनाइ थियो।