गगन नेतृत्वको कार्यसमितिलाई १५औँ महाधिवेशन गर्ने अधिकार छैन : विमलेन्द्र निधि

नेपाली कांग्रेसका नेता विमलेन्द्र निधिले गगन थापा नेतृत्वको कार्यसमितिलाई पार्टीको १५औँ महाधिवेशन गर्ने अधिकार नरहेको दाबी गरेका छन्।

शुक्रबार आयोजित नेपाली कांग्रेसको राष्ट्रिय भेलालाई सम्बोधन गर्दै निधिले १४औँ महाधिवेशनबाट निर्वाचित शेरबहादुर देउवा नेतृत्वको कार्यसमितिलाई मात्रै आगामी महाधिवेशन गर्ने अधिकार रहेको बताए।