राष्ट्रिय खेलकुदमा खेलाडीलाई दैनिक म्याच फीको व्यवस्था गर्न माग

२९ साउन, काठमाडौं । कोशी प्रदेश खेलकुद विकास बोर्डका सदस्य सचिव विप्लव घोषले राष्ट्रिय खेलकुद प्रतियोगितामा सहभागी खेलाडी तथा अफिसियललाई दैनिक म्याच फिको व्यवस्था गर्न माग गरेका छन् ।

राष्ट्रिय खेलकुद परिषद्को १२५औं बोर्ड बैठकमा घोषले दशौं राष्ट्रिय खेलकुद प्रतियोगितामा सहभागी हुने खेलाडी तथा अफिसियललाई दैनिक म्याच फीको व्यवस्था गर्नुपर्ने सुझाव दिएका हुन् । यस्तो व्यवस्थाले खेलाडीको मनोबल बढाउन सहयोग पुग्ने उनको भनाइ थियो ।