टिचिङमा बेड अभावका कारण बिरामीको इमरजेन्सी कक्षबाहिरै मृत्यु

काठमाडौं– त्रिवि शिक्षण अस्पतालमा बेड अभावका कारण एक जना बिरामीको उपचार प्रक्रिया सुरु हुन नपाई इमरजेन्सी कक्ष बाहिरै मृत्यु भएको छ । नियमित डायलाइसिस गराइरहेका बिरामीलाई अकस्मात अस्पताल ल्याएको थियो । अस्पताल प्रशासनका अनुसार मोरङका ४५ वर्षीय डोलबहादुर थापाको मृत्यु भएको हो ।

स्ट्रोकको समस्या देखिएपछि एम्बुलेन्समा राखेर अस्पताल ल्याइएको अस्पतालका अस्पतालका प्रवक्ता डा. गोपाल सेढाईंले जानकारी दिए । तर अस्पतालको रेड एरियामा बेड खाली नभएपछि चिकित्सकहरुले उपचार प्रक्रिया नै सुरु गर्न नपाएको उनको भनाइ छ ।