शान्तिका लागि युवा नेतृत्वको भूमिका विषयक सेमिनार सम्पन्न

काठमाडौं । अन्तर्राष्ट्रिय युवा दिवस २०२६ को अवसरमा युनिभर्सल पीस फेडेरेसन (UPF) नेपालले शंकरापुर नगरपालिका, काठमाडौंस्थित भाग्योदय कलेजमा “युवा नेतृत्वको भूमिका–विश्वास पुनर्स्थापना : अहिले शान्तिका लागि के गर्न सकिन्छ ?” विषयक युवा सेमिनार सम्पन्न गरेको छ।

कार्यक्रममा १३८ जना कलेज विद्यार्थीको उत्साहजनक सहभागिता रहेको थियो। सेमिनारले शान्ति निर्माण, विश्वास पुनर्स्थापना, सामाजिक सद्भाव तथा जिम्मेवार नेतृत्व निर्माणमा युवाको महत्वपूर्ण भूमिकामाथि विशेष जोड दिएको थियो। भाग्योदय कलेजका प्रिन्सिपल श्री रुशन बसिले स्वागत मन्तव्य दिनुभएको थियो भने WFWP नेपालकी अध्यक्ष श्रीमती नीला श्रेष्ठले विशेष मन्तव्य राख्नुभएको थियो। कर्मशील महिला समाजकी अध्यक्ष श्री मदनकुमारी बज्राचार्यले कार्यक्रमको कुशलतापूर्वक सञ्चालन गर्नुभएको थियो।