नेपाल भलिबल लिगको नयाँ मिति घोषणा

काठमाडौं। नेपाल भलिबल लिग (एनभीएल) पुरुष फ्रेन्चाइज प्रतियोगिताको नयाँ मिति घोषणा गरिएको छ। नयाँ मितिअनुसार प्रतियोगिता भदौ १९ देखि २७ गतेसम्म आयोजना हुने भएको छ।

केडिया ग्रुपको आयोजनामा हुने नेपालकै पहिलो पुरुष फ्रेन्चाइज भलिबल लिग ‘उचाइको नयाँ उडान’ नारासहित यसअघि भदौ १२ देखि २० गतेसम्म आयोजना गर्ने मिति तय गरिएको थियो। तर, आयोजकले शुक्रबार सामाजिक सञ्जालमार्फत प्रतियोगिताको नयाँ मिति सार्वजनिक गरेको हो।