अमेरिका–इरान युद्धले बदल्यो तेल व्यापारको ढाँचा

काठमाडौं । फेब्रुअरी २८ मा अमेरिका र इजरायलले इरानमाथि गरेको आक्रमणपछि हर्मुज जलमार्ग हुँदै हुने तेल ढुवानी लगातार प्रभावित भएको छ । समुद्री बारुदी सुरुङ, क्षेप्यास्त्र र ड्रोन आक्रमणको जोखिम, अमेरिका तथा इरानको नाकाबन्दी र बढ्दो बिमा लागतका कारण होर्मुज मार्गबाट दैनिक ओसारपसार हुने कच्चा तेल दुई करोड ब्यारेलबाट घटेर ३७ लाख ब्यारेलमा सीमित भएको छ । यसले खाडी मुलुकहरूका लागि तेल बेच्ने व्यापारिक ढाँचा बदलिएको छ ।

यसै कारण साउदी अरेबिया, संयुक्त अरब इमिरेट्स (यूएई) र कुवेतसहित धेरै खाडी मुलुक होर्मुजमाथिको निर्भरता घटाउन लागिपरेका छन् । नयाँ पाइपलाइन बिछ्याउने, पुराना पाइपलाइनको क्षमता बढाउने र एसियामा तेल भण्डारणको व्यवस्था गर्ने काम तीव्र पारिएको छ ।