भेनसको एकल यात्रा संकटमा, लगातार १३ खेलमा जितविहीन

अमेरिकी टेनिस स्टार भेनस विलियम्सको एकल खेलमा लगातार हारको शृंखला १३ खेलसम्म पुगेको छ।

सात पटककी ग्रान्डस्लाम विजेता भेनस सिनसिनाटी ओपनको पहिलो चरणमै कोलम्बियाकी एमिलियाना अराङ्गोसँग सोझो सेटमा पराजित भएकी हुन्। ४६ वर्षीया भेनसलाई शुक्रबार भएको खेलमा २५ वर्षीया अराङ्गोले ६–२, ६–२ ले हराइन्। वाइल्ड कार्डमार्फत प्रतियोगितामा प्रवेश पाएकी भेनसले पछिल्लो पटक २०२५ जुलाईमा एकल खेल जितेकी थिइन्।