स्वयम्भू क्षेत्रका स्थानीयको मर्का : हामी बाँदरसँग जुध्न सक्दैनौँ, व्यवस्थापन गरिदिनोस्

बाँदरसँग आफूहरू जुध्न नसक्ने बताउँदै स्वयम्भू क्षेत्रका स्थानीयबासीले बाँदर व्यवस्थापन गरिदिन काठमाडौं महानगरपालिकासँग अनुरोध गरेको छ।

आज महानगरपालिकाका कार्यवाहक प्रमुख सुनिता डंगोलको कार्यकक्षमा भएको बैठकमा उनीहरूले बाँदरसँग सम्बन्धित मर्का सुनाउँदै भने, ‘छिनछिनमा आतंक मच्चाउँछन्। हुलका हुल, बथानका बथान घरभित्र छिर्छन्। एक पटक घरमा पस्यो भने ५ हजारदेखि १० हजार रुपैयाँसम्मको क्षति गर्छन्। घरबाट फलफूलको बास्ना आयो भने त झन उग्र हुन्छन्। र, जसरी पनि घरभित्र छिर्न खोज्छन्।’