सामान्य वर्षामै डुब्छन् दुर्गा भगवतीका विद्यालय, भदौ १ मा खुल्ने कक्षा प्रभावित हुने चिन्ता

सामान्य वर्षामै विद्यालय परिसर डुबानमा पर्ने र कक्षाकोठासम्म पानी पस्ने समस्या रौतहटको दुर्गा भगवती गाउँपालिकाका सामुदायिक विद्यालयमा वर्षौंदेखि दोहोरिँदै आएको छ।

वर्षाको पानी निकासको उचित व्यवस्था नहुँदा विद्यालयको भौतिक अवस्था मात्रै प्रभावित भएको छैन, विद्यार्थीको नियमित पठनपाठनसमेत जोखिममा पर्ने गरेको पाइएको छ।