तेल्लोकमा इलाका प्रशासन कार्यालय स्थापनापछि नागरिकता प्रदान गरिने

ताप्लेजुङको सिरिजङ्गा गाउँपालिकाको केन्द्र तेल्लोकमा भदौ ५ गतेबाट इलाका प्रशासन कार्यालयको सेवा सुरु हुने भएको छ । प्रमुख जिल्ला अधिकारी उमेशकुमार दाहालले तेल्लोकमा ५ गते इलाका प्रशासन कार्यालय स्थापना हुने र सोही दिनदेखि त्यहीँबाट नागरिकतासहितका सेवा आरम्भ हुने जानकारी दिए।

सिरिजङ्गा र सिदिङ्वा गाउँपालिकाका सेवाग्राहीलाई लक्षित गरी इलाका प्रशासन कार्यालय तेल्लोकबाट सेवा प्रवाह हुने छ। प्रजिअ दाहालका अनुसार इलाका प्रशासन कार्यालयबाट सेवा प्रवाह हुने अघिल्लो दिन भदौ ४ गतेसम्म मात्र जिल्ला प्रशासन कार्यालयले सिरिजङ्गा र सिदिङ्वा गाउँपालिकाका नागरिकलाई नागरिकता वितरण गर्ने छ।