चुनावपछि ओली पहिलो पटक सार्वजनिक कार्यक्रममा सहभागी हुन झापा र इलाममा

विराटनगर । नेकपा एमालेका अध्यक्ष तथा पूर्व प्रधानमन्त्री केपी शर्मा ओली इलाम र झापाको कार्यक्रममा सहभागी हुन गृह प्रदेश आएका छन् । गएको फागुन २९ गते सम्पन्न निर्वाचनपछि ओली पहिलो पटक औपचारिक कार्यक्रममा सहभागी हुन झापा आएका हुन् ।

चन्द्रगढी विमानस्थलमा अवतरण भएर अध्यक्ष ओली इलामको फिक्कल तर्फ लागेका छन् । एमाले अध्यक्ष ओली लोकतान्त्रिक आदिवासी जनजाति महासङ्घ केन्द्रीय कमिटीको बैठकलाई सम्बोधन गर्ने छन् ।