इन्डोनेसिया भूकम्प: २० जनाको मृत्यु, उद्धार कार्य जारी

एजेन्सी : पूर्वी इन्डोनेसियाको तटीय क्षेत्रमा शनिबार बिहान गएको ७.७ म्याग्निच्युडको शक्तिशाली भूकम्प र त्यसपछिका दर्जनौँ पराकम्पका कारण कम्तीमा २० जनाको मृत्यु भएको उद्धार एजेन्सीले जनाएको छ।

बिहानै गएको उक्त भूकम्पपछि दक्षिणपूर्वी एसियाली मुलुक इन्डोनेसियाका विभिन्न तटीय क्षेत्रमा १ मिटर भन्दा साना सुनामीका छालहरू रेकर्ड भएका थिए। भूकम्प गएको करिब तीन घण्टापछि सुनामीको चेतावनी फिर्ता लिइएको थियो।