दूरसञ्चार प्राधिकरणले फेरि भन्यो- ‘बेटिङ, क्रिप्टोकरेन्सी र अश्लील साइट बन्द गर्नू, नत्र कारबाही हुन्छ’

काठमाडौं । नियामक निकाय नेपाल दूरसञ्चार प्राधिकरणले अनलाइन बेटिङ, क्रिप्टोकरेन्सी र अश्लील सामग्री प्रसारण हुने वेबसाइट तथा एप तत्काल बन्द गर्न इन्टरनेट तथा मोबाइल सेवा प्रदायकलाई पुनः निर्देशन दिएको छ । शनिबार एक सूचना जारी गर्दै प्राधिकरणले यस्ता गैरकानुनी प्लेटफर्ममा पहुँच रोक्न ताकेता गरेको हो ।

नेपालको कानुनले अनलाइन प्रविधिमार्फत हुने जुवा (जस्तै: वन एक्सबेट), क्रिप्टोकरेन्सी, बिटक्वाइन, हाइपर नेटवर्किङ्ग, बालयौनजन्य सामग्री तथा अश्लील सामग्रीको प्रकाशन र पहुँचमा रोक लगाएको छ ।