एआईको चाल : गीत संगीत बेहाल

गतमहिना कलाकार बिमल अधिकारीले आफ्ना गीत एआई सामाग्री प्रयोग गरी युटुबमा प्रसारण गर्ने ९५ युटुब च्यानललाई कारबाहीको माग गरी साइबर व्युरोमा उजुरी दिए । आफ्ना सिर्जनामा अनाधिकृत पहुँचबाट गीतलाई तोडमोड गरी प्रकाशन गरेको पाइएपछि उनले यसो गरेका हुन् ।

यसरी उजुरी गर्ने उनी पहिलो श्रष्टा हुन् तर यो समस्याको मारमा थुप्रै गीतकार, संगीतकार, गायक र निर्माताहरू परेका छन् । सक्कली सिर्जनामा एआई प्रयोग गरेर भाव, लय, सुर ताल, बाजा, शब्द र स्वरलाई तोडमोड गरी टिकटक, फेसबुक, इन्सटाग्राम र युटुब लगायतका विभिन्न प्लेटफर्ममा अडियो‍, भिडियो राखी अनधिकृत मुनाफा आर्जन गर्ने कार्य भइरहेको छ ।