जापानको बढ्दो सैन्य सक्रियतालाई ‘खतरा’ भन्दै चीनले दियो कडा चेतावनी

चीनले जापानको बढ्दो सैन्य गतिविधिलाई लिएर कडा चेतावनी दिएको छ। चिनियाँ रक्षा मन्त्रालयका प्रवक्ता चेन सीले जापानले आफ्नो सैन्य विस्तार गरिरहेको र यसले क्षेत्रीय सुरक्षामा ठुलो खतरा निम्त्याउने बताएका हुन्।

जापानको रक्षा मन्त्रालयले आर्थिक वर्ष २०२७ का लागि झन्डै ५६ अर्ब डलरको बजेट प्रस्ताव गर्ने तयारी गरिरहेको बेला उनले यस्तो चेतावनी दिएका हुन्। यो रकम अहिलेसम्मकै उच्च हो। यही विषयलाई लिएर चेनले आफ्नो प्रतिक्रिया दिएको चिनियाँ सञ्चार माध्यमले जानकारी दिएका छन्।