बाबुराम भट्टराई भन्छन्- ‘पुराना शक्ति सक्रिय र नयाँ शक्ति अन्योलमा देखिनु गम्भीर संकेत हो’

काठमाडौं। पूर्वप्रधानमन्त्री डा. बाबुराम भट्टराईले जेनजी विद्रोह भएको एक वर्ष पुग्न लाग्दा मुलुकको राजनीतिक अवस्था थप संवेदनशील बन्दै गएको बताएका छन्। पुराना राजनीतिक शक्तिहरू पुनः सक्रिय हुनु र नयाँ तथा उदीयमान शक्तिहरू स्पष्ट दिशाको अभावमा देखिनु गम्भीर अवस्थाको संकेत भएको उनको भनाइ छ।

भट्टराईले सामाजिक सञ्जालमार्फत आफ्नो धारणा सार्वजनिक गर्दै बाह्य रूपमा बढ्दो भूराजनीतिक तनाव र आन्तरिक रूपमा लामो समयदेखि जम्दै आएको आर्थिक, राजनीतिक तथा सामाजिक/सांस्कृतिक असन्तुष्टिले मुलुकलाई थप चुनौतीपूर्ण अवस्थामा पुर्‍याएको उल्लेख गरेका छन्।