सार्वजनिक हुनुअघि सरकारी सिस्टमको सुरक्षा परीक्षण, इथिकल ह्याकरले ह्याक गर्ने

काठमाडौं । सरकारी डिजिटल प्रणालीमा हुन सक्ने साइबर जोखिम पहिचान गर्न प्रधानमन्त्री तथा मन्त्रिपरिषद्को कार्यालयको सहभागितामा ‘लाइभ ह्याकिङ’ कार्यक्रम आयोजना हुने भएको छ ।

पेन्टेस्टर नेपालको १३ औँ वार्षिकोत्सवका अवसरमा आज काठमाडौंस्थित हेराल्ड कलेजमा आयोजना हुने कार्यक्रममा प्रधानमन्त्री कार्यालयले विकास गरिरहेको, तर हालसम्म सार्वजनिक नगरिएको डिजिटल प्रणालीको प्रत्यक्ष सुरक्षा परीक्षण गरिनेछ ।