स्वास्थ्य बीमाका सेवा अब अनलाइनबाटै, नयाँ आबद्धता र नवीकरणका लागि एचआईबी ई-पोर्टल सञ्चालन

काठमाडौं । स्वास्थ्य बीमा बोर्डले स्वास्थ्य बीमा कार्यक्रममा आबद्धता, बीमालेख नवीकरण र केवाईसी विवरण अद्यावधिक गर्न सकिने एचआईबी ई-पोर्टल सञ्चालनमा ल्याएको छ । नयाँ व्यवस्थासँगै स्वास्थ्य बीमासम्बन्धी अधिकांश प्रक्रिया अनलाइनबाटै गर्न सकिने भएको छ ।

बोर्डका अनुसार साउन २९ गतेदेखि HIB e-Portal मार्फत स्वास्थ्य बीमाका विभिन्न सेवा लिन सकिनेछ । यसका लागि छुट्टै विद्युतीय प्रणाली विकास गरी सेवा सञ्चालनमा ल्याइएको हो ।