पोखरा–काठमाडौँ रुटमा गुड्नेछन् ६ करोडका सुविधा सम्पन्न लक्जरियस बस

कास्की । पोखराको पर्यटन तथा यातायात क्षेत्रलाई लक्षित गर्दै शुभ अधिकारी ट्राभल्स एन्ड टुर प्रा.लि.ले करिब ६ करोड रुपैयाँ बराबरको लगानीमा सुविधा सम्पन्न लक्जरियस बस सञ्चालनमा ल्याएको छ । पोखरा पर्याङमा आयोजित एक कार्यक्रमबिच नेपाल यातायात व्यवसायी राष्ट्रिय महासङ्घका अध्यक्ष पुण्यप्रसाद (हरि) सिटौलाले नयाँ बसको शुभारम्भ गरेका हुन् ।

कम्पनीले पोखरा महानगरपालिका–२५ हेम्जा मिलनटोलबाट बिहान ६ बजे छुट्ने यी बसहरू नेपालकै सुविधा सम्पन्न बसमध्ये रहेको दाबी गरेको छ। आगामी भदौ ३ गतेदेखि आधिकारिक रूपमा सेवा प्रारम्भ हुने कम्पनीका अध्यक्ष टीकाराम अधिकारीले जानकारी दिएका छन् ।