‘कांग्रेस कमजोर हुनुको मुख्य कारण आन्तरिक विभाजन’

३० साउन, काठमाडौं । नेपाली कांग्रेसका पूर्वसहमहामन्त्री उमाकान्त चौधरीले पार्टीभित्रको गुटबन्दी, भागबन्डा, तदर्थवाद र आन्तरिक द्वन्द्वका कारण संगठन कमजोर बन्दै गएको निष्कर्षसहित वृहत्तर एकतामा जोड दिएका छन् ।

संस्थापन इतर समूहको जारी राष्ट्रिय भेलामा चौधरीले पेस गरेको सांगठनिक प्रतिवेदनमा पार्टीको संकट समाधानका लागि गुटबन्दी र नातावादभन्दा माथि उठेर विधि, पद्धति, योग्यता र क्षमताका आधारमा पार्टी सञ्चालन गर्नुपर्नेमा जोड दिइएको छ ।