इजीजेटमा क्याबिन क्रूको आन्दोलन, फ्रान्सबाट १०० भन्दा बढी उडान रद्द

पेरिस -उडान तालिकामा बारम्बार परिवर्तन भएको भन्दै इजीजेटका क्याबिन क्रूले आन्दोलन गरेपछि बेलायती एयरलाइन्स कम्पनी इजीजेटले फ्रान्सका विमानस्थलबाट शनिबार र आइतबार सञ्चालन हुने १०० भन्दा बढी उडान रद्द गरेको छ।

इजीजेटका अनुसार फ्रान्समा कम्पनीका करिब ९०० जना क्याबिन क्रू कार्यरत छन्। तीमध्ये झण्डै आधा कर्मचारी आन्दोलनमा सहभागी हुने भएपछि पेरिस, निस, बोर्डो र लियोनलगायतका विमानस्थलबाट हुने उडान प्रभावित हुने भएका हुन्।