लगनखेलको ऐतिहासिक सप्तपाताल पोखरी पुनर्निर्माणपछि औपचारिक उद्घाटन [तस्वीरहरू]

ललितपुरको लगनखेलस्थित ऐतिहासिक सप्तपाताल पोखरी पुनर्निर्माणपछि आज औपचारिक रूपमा उद्‌घाटन गरिएको छ। लामो समय अतिक्रमण र संरक्षण अभावका कारण संकटमा परेको पोखरी पुनर्निर्माणसँगै पुरानै स्वरूपमा फर्किन थालेको हो।

ललितपुर महानगरपालिकाले नमूना मच्छिन्द्र माध्यमिक विद्यालयको भवन हटाएर पोखरी पुनर्निर्माण गरेको हो। लगनखेल वातावरण संरक्षण समितिसँगको सहकार्यमा पोखरीसँगै पार्कसमेत निर्माण गरिएको छ।