रहेनन् सार्कका पूर्वमहासचिव निहाल

काठमाडौँ- दक्षिण एसियाली क्षेत्रीय सहयोग संगठन (सार्क) का पूर्वमहासचिव तथा श्रीलंकाका अनुभवी वरिष्ठ कूटनीतिज्ञ निहाल रोड्रिगोको निधन भएको छ। सार्क सचिवालयले आधिकारिक सामाजिक सञ्जालमार्फत उनको निधनप्रति गहिरो दुःख व्यक्त गर्दै परिवार, श्रीलंका सरकार र जनताप्रति समवेदना प्रकट गरेको छ।

रोड्रिगो सार्कका छैटौँ महासचिव थिए। उनले सन् १९९९ जनवरी १ देखि २००२ जनवरी १० सम्म काठमाडौँस्थित सार्क सचिवालयको नेतृत्व गरेका थिए। उनको कार्यकाल दक्षिण एसियामा क्षेत्रीय सहकार्यका लागि महत्वपूर्ण समय रहेको थियो। उनको कार्यकालमा सार्क महासचिवलाई भेट्न कुनै रोकटोक थिएन। कुनै काम विशेष भएमा कुराउने अन्यथा सिधा आउनु समय लिनु पर्दैन भन्ने शब्द अहिले पनि गुन्जिरहेको छ।