आज किन आएन हिजो चर्को स्वरमा उठाइएका प्रश्नको जवाफ ?

नेकपा (एमाले) का महासचिव शङ्कर पोखरेलले विगतमा सडकका खाल्डा, सार्वजनिक सेवामा लामो लाइन, मलको अभाव र विदेशिने युवाको लर्कोलगायतका समस्या देखाउँदै नेतृत्व परिवर्तनको माग गरिए पनि अहिले सत्तामा पुगेकाहरूले न्यूनतम कार्यक्षमतासमेत देखाउन नसकेको टिप्पणी गरेका छन्।

शनिबार सामाजिक सञ्जाल फेसबुकमार्फत धारणा सार्वजनिक गर्दै पोखरेलले हिजो चर्को स्वरमा उठाइएका प्रश्नको जवाफ आजको अवस्थाले खोजिरहेको बताएका हुन्।