कांग्रेस इतर पक्षको राष्ट्रिय भेला ‘सम्मेलन’मा परिणत, पाँच प्रतिवेदन प्रस्तुत

काठमाडौं : नेपाली कांग्रेसको संस्थापन इतर समूहले काठमाडौंमा जारी राष्ट्रिय भेलालाई शनिबारदेखि 'राष्ट्रिय सम्मेलन'मा रूपान्तरण गरेको छ। शुक्रबार राष्ट्रिय भेलाको ब्यानरमा उद्घाटन गरिएको कार्यक्रमलाई शनिबार विभिन्न पाँच प्रतिवेदन पेस हुँदै गर्दा भेलालाई ‘राष्ट्रिय सम्मेलन’मा परिणत गरियो।

उक्त समूहका प्रचार-प्रसार समिति संयोजक मीन विश्वकर्माका अनुसार पार्टीको विधानले भेलालाई नचिन्ने भएकाले सम्मेलन भनियो। शनिबार शीर्ष नेताहरू विमलेन्द्र निधिले राजनीतिक, डा प्रकाशशरण महतले आर्थिक, एनपी साउदले समसामयिक, रमेश लेखकले कानुन तथा विधान र उमाकान्त चौधरीले साङ्गठनिकसम्बन्धी प्रस्ताव प्रस्तुत गरे।