गल्ले टेस्टमा भारतको दबदबा, पाडिक्कलको शतक

श्रीलंकाविरुद्धको पहिलो टेस्टको पहिलो दिन भारतले बलियो प्रदर्शन गरेको छ। वर्षा र खराब प्रकाशका कारण प्रभावित भएको खेलमा भारतले दिनको खेल सकिँदा सम्म दुई विकेटको क्षतिमा २८८ रन जोडेको छ।

भारतका लागि देवदत्त पाडिक्कलले उत्कृष्ट ब्याटिङ गर्दै १७८ बलमा अविजित १३१ रन बनाएर क्रिजमा रहेका छन्। उनले १२ चौका र एक छक्का प्रहार गरे। पाडिक्कलको यो टेस्ट क्रिकेटमा पहिलो शतक हो। केएल राहुलले पनि धैर्यपूर्ण ब्याटिङ गर्दै ७७ रन बनाए। उनले पाडिक्कलसँग दोस्रो विकेटका लागि १५० रनको महत्वपूर्ण साझेदारी गरे। तर मांसपेशीमा समस्या देखिएपछि राहुल रिटायर्ड हर्ट भएका थिए।