सिनसिनाटी ओपनमा जोकोभिच स्तब्ध, दोस्रो चरणमै बाहिर

सिनसिनाटी ओपनमा सर्बियाली स्टार नोभाक जोकोभिचको यात्रा दोस्रो चरणमै समाप्त भएको छ। २४ पटकका ग्रान्डस्लाम विजेता जोकोभिच शनिबार अर्जेन्टिनाका थियागो अगुस्टिन तिरान्तेसँग पराजित हुँदै प्रतियोगिताबाट बाहिरिएका हुन्।

विश्व वरीयतामा ५०औँ स्थानमा रहेका २५ वर्षीय तिरान्तेले पाँचौँ वरीयताका जोकोभिचलाई २–६, ६–४, ६–४ को सेटमा पराजित गरे। खेल दुई घण्टा ४४ मिनेट सम्म चलेको थियो ।