भाङ्गेझरना : वर्षायाममा मन लोभ्याउने रसुवाको प्राकृतिक गन्तव्य

वर्षायामको सुरुवातसँगै सामाजिक सञ्जालमा निकै चर्चामा आएको रसुवाको भाङ्गे झरना घुम्ने अवसर मिल्यो। प्राकृतिक सौन्दर्य, झरनाको भव्यता र वरपरको हरियालीले भाङ्गे झरनाको यात्रा निकै रमाइलो र अविस्मरणीय बन्यो।

भाङ्गे झरना रसुवा जिल्लाको उत्तरगया गाउँपालिका–२, डाँडागाउँ क्षेत्रमा पर्छ। यो बेत्रावती–मैलुङ–स्याफ्रुबेँसी सडकखण्डसँगै रहेको आकर्षक प्राकृतिक पर्यटकीय गन्तव्य हो। काठमाडौँबाट करिब ७०\७८ किलोमिटरको दूरीमा रहेको यो स्थान सडकमार्गबाट सहजै पुग्न सकिने गन्तव्यका रूपमा विकास हुँदै गएको छ।