डिजिटल स्वास्थ्य नीतिगत बहस: स्थानीय सिकाइबाट प्रणालीगत विस्तारतर्फ

नेपालमा डिजिटल स्वास्थ्यसम्बन्धी बहस अब डिजिटल प्रविधि आवश्यक छ कि छैन भन्ने प्रश्नमा सीमित छैन। मुख्य प्रश्न हो- विद्यमान नीति, स्थानीय अभ्यास र विभिन्न तहमा भइरहेका डिजिटल स्वास्थ्यका पहललाई राष्ट्रिय स्वास्थ्य प्रणालीसँग कसरी प्रभावकारी रूपमा जोड्ने र विस्तार गर्ने?

हालै बाजुराका बडिमालिका, बुढीगंगा, बुढीनन्दा र त्रिवेणी नगरपालिका तथा स्मार्ट हेल्थ ग्लोबल र स्वास्थ्य खबर फाउण्डेसनको संयुक्त आयोजना एवं सुदूरपश्चिम प्रदेशको सामाजिक विकास मन्त्रालय र संघीय स्वास्थ्य तथा खाद्य स्वच्छता मन्त्रालयको सहकार्यमा बाजुरादेखि धनगढी हुँदै काठमाडौंसम्म ‘द लास्ट माइल: डिजिटल स्वास्थ्य सम्मेलन २०२६’ सम्पन्न भयो।