प्रस्तावित शिक्षा ऐनका लागि विराटनगरबाट ‘शिक्षा संवाद’, सातै प्रदेशमा सञ्चालन गरिने

काठमाडौँ – प्रस्तावित नयाँ शिक्षा ऐन निर्माणअघि शिक्षा क्षेत्रका सरोकारवालासँग प्रत्यक्ष संवाद गर्ने उद्देश्यले शिक्षा तथा खेलकुद मन्त्रालयको आयोजनामा ‘शिक्षा संवाद’ कार्यक्रम सुरु भएको छ। विराटनगरस्थित आदर्श माध्यमिक विद्यालयमा आयोजित कार्यक्रमसँगै यो अभियानको औपचारिक सुरुआत भएको हो।

उद्घाटन संवाद कार्यक्रममा स्थानीय विद्यालयका प्रधानाध्यापक, शिक्षक, विद्यार्थी, अभिभावक तथा शिक्षा क्षेत्रका विभिन्न सरोकारवालाहरूको उल्लेख्य सहभागिता रहेको थियो।