नेपालमै बन्यो ‘यात्री पीटू’, अर्थमन्त्री वाग्लेले भने- 'सरकार तपाईंहरूको साथमा छ'

काठमाडौं । अर्थमन्त्री डा. स्वर्णिम वाग्लेले नेपालमै डिजाइन तथा निर्माण भएका विद्युतीय सवारी साधनको प्रवर्द्धन र विकासमा सरकारको पूर्ण सहयोग रहने बताएका छन् ।

काठमाडौंको बुढानीलकण्ठस्थित सिप्रदी यात्रीको कारखाना पुगेर नेपाली प्रविधिमा तयार पारिएको विद्युतीय स्कुटर ‘यात्री पीटू’को निर्माण प्रक्रिया अवलोकन गर्दै अर्थमन्त्री वाग्लेले स्वदेशी उत्पादनलाई विश्वस्तरीय प्रतिस्पर्धामा स्थापित गर्न आग्रह गरे ।