देश बनाउने अभियानमा हामी अहोरात्र खट्ने छौँ : सांसद प्रभा ढकाल

राजनीतिमा आउनुअघि चितवनकी प्रभा ढकालको पहिचान नर्स तथा स्वास्थ्यकर्मीका रुपमा सीमित थियो । राष्ट्रिय स्वतन्त्र पार्टी (रास्वपा) बाट खस आर्य महिला कोटा अन्तर्गत समानुपातिक प्रणालीबाट सांसद बनेकी ढकाल प्रतिनिधि सभा अन्तर्गतको शिक्षा, स्वास्थ्य तथा सूचना प्रविधि समितिकी सदस्यसमेत हुन् ।

राजनीतिमा प्रवेश गर्नुअघि चितवनको कलेज अफ मेडिकल साइन्सेस (सीएमएस) लगायतका संस्थामा सेवा गरिसकेकी उनी रास्वपाकी केन्द्रीय समिति सदस्य हुन् । पार्टी स्थापनाकालदेखि संगठन निर्माणमा सक्रिय उनी चितवन रास्वपाकी संस्थापक उपसभापति हुन् ।