कांग्रेस इतर समूहको राष्ट्रिय भेलाको अन्तिम दिन, यस्ता छन् आजका कार्यक्रम

काठमाडौँ । नेपाली कांग्रेसको इतर (निवर्तमान सभापति शेरबहादुर देउवा र डा.शेखर कोइराला) समूहद्वारा आयोजित ३ दिने राष्ट्रिय भेला आज सकिँदैछ। गत २९ गतेदेखि काठमाडौँको सुकेधारास्थित मिराकल पार्टी प्यालेसमा भइरहेको भेलाको आज अन्तिम दिन विभिन्न सांगठनिक र राजनीतिक एजेन्डाहरूमा छलफल गरी निष्कर्ष निकालिने कार्यक्रम छ।

भेलाको अन्तिम दिनको कार्यतालिकाबारे जानकारी दिँदै कांग्रेसकी निवर्तमान केन्द्रीय सदस्य लक्ष्मी खतिवडाले अहिले प्रस्तुत प्रतिवेदनमाथि टिप्पणी र छलफलको काम भइरहेको बताइन् ।