विज्ञानले सुन्छ चराहरूको गीत

वसन्तपुरको डबलीमा होस् वा चन्द्रागिरिको डाँडा या पीपलको बोट मुनि बसेर चिया पिउँदा होस्; चराहरूको गीतले सदैव हाम्रो पृष्ठभूमिलाई सङ्गीतमय बनाएकै हुन्छ। र मानव जातिभन्दा धेरै अगाडि, करिब ६ करोड ६० लाख वर्ष अगाडिदेखि चराहरूले निरन्तर गीत गाइरहेका छन्।

हामी त्यो गीत सुन्छौं पनि तर त्यसप्रति धेरै ध्यान वा रुचि दिंदैनौं। तर, चराहरूको सङ्गीतमय संसार साँच्चिकै रमाइलो छ। त्यही रमाइलो संसारको एउटा वैज्ञानिक पाटो बारे आज कुरा गरौं।