कपिलवस्तुमा पौने ५ लाख नगदसहित १५ जुवाडे पक्राउ

कपिलवस्तुको कृष्णनगर नगरपालिका–३ झण्डीनगरस्थित विनोद रावतको घरमा जुवा खेलिरहेको अवस्थामा प्रहरीले पौने ५ लाख रुपैयाँ नगदसहित १५ जनालाई पक्राउ गरेको छ।

लुम्बिनी प्रदेश प्रहरी र इलाका प्रहरी कार्यालय कृष्णनगरको संयुक्त टोलीले शनिबार दिउँसो जुवाको खालमा छापा मार्दा ४ लाख ७५ हजार रुपैयाँ नगद, २४ थान मोबाइल र ३ गड्डी तास बरामद गरेको हो।