झापाबाट एमालेको ‘मिसन जागरण अभियान’ सुरु, ओलीले गरे उद्घाटन

नेकपा एमालेका अध्यक्ष एवं पूर्वप्रधानमन्त्री केपी शर्मा ओलीले झापाको बिर्तामोडबाट ‘मिसन जागरण अभियान’ सुरु गरेका छन्।

एमालेले पालिका तथा वडा केन्द्रित रूपमा पार्टीको ‘मिसन जागरण अभियान’ सञ्चालन गर्ने निर्णय गरेसँगै अध्यक्ष ओलीले झापाबाट अभियानको सुरुवात गरेका हुन्। अभियानअन्तर्गत पार्टी सदस्यता नवीकरणलाई प्राथमिकता दिँदै आगामी प्रदेशसभा तथा स्थानीय तहको निर्वाचनलाई लक्षित गरेर देशभर पार्टी गतिविधि विस्तार गर्ने योजना एमालेले अघि सारेको छ।