जीवित अंगदान के हो ? जानौं अंग दिएपछि शरीरमा हुने परिवर्तन

कसैको जीवन बचाउन आफ्नो शरीरको अंग दान गर्नु मानवताका लागि सबैभन्दा ठूलो काम मानिन्छ । मृत्युपछि गरिने अंगदानबारे धेरैलाई जानकारी भए पनि जीवित अवस्थामा आफ्नो अंग वा अंगको केही भाग दान गर्ने प्रक्रियाबारे भने अझै धेरै भ्रम र डर पाइन्छ ।

विशेषगरी मिर्गौला वा कलेजो दान गर्ने व्यक्तिको मनमा ‘एउटा अंग दिएपछि आफू सामान्य जीवन बाँच्न सकिन्छ कि सकिँदैन ?’, ‘भविष्यमा स्वास्थ्यमा समस्या आउँछ कि आउँदैन ?’, ‘काम गर्न, व्यायाम गर्न वा सन्तान उत्पादनमा असर पर्छ कि पर्दैन ?’ जस्ता प्रश्न मनमा आउन सक्छन् ।